17 urte zituela bere buruaz beste egin du Sara Jimenezek. Bost urtez eskola jazarpena jasan du, 12 urte zituenetik. Senideek adierazi dute bullying-ak eta ziberjazarpenak bultzatu dutela gaztea heriotzara.

Berritasun nabarmen bat izango du 1 Formularen denboraldiak aurten. Lehiatuko diren autoen motorrak hibridoak izango dira: erdia erregaiz mugituko da, eta beste erdia elektrizitate bidez. Autoak txikiagoak izango dira, eta aerodinamikoki aldakorragoak.

Euskal Herri osoan ikusi ahalko da eguzki eklipsea; hego-mendebaldean eklipsea osoa izango da. Une ederra izango da, baina adituek prebentzioa eskatu diete instituzioei eta herritarrei.

Petronorren isuri batek Muskizko herritarrei erasan die. Etxean geratzeko eskatu zien Jaurlaritzak otsailaren 26an, eta hilaren 27an, airearen kalitatea pitin bat hobetu arren, ahal dela ez irteteko gomendioa egin die. Zer den bentzenoa eta nola eragiten dien herritarrei; artikulu honetan galdera horiei erantzun die BERRIAk.

1976ko martxoaren 3an bost lagun hil eta ehunka zauritu zituzten Gasteizen. Protestan ari ziren lan baldintza hobeak eskatzeko, eta Poliziak indarkeriaz erantzun zuen.

16 urtez azpikoei edari energetikoak saltzea debekatuko dute; 100 mililitroko 32 miligramo kafeina dituzten edariak, berriz, 18 urtetik azpikoentzat egongo dira debekatuta.

Etxebizitza Kolaboratiboen Foru Legearen aurreproiektua egin dute. Eredu kolaboratiboa sustatu nahi dute, etxebizitza eskuragarriago izateko eta espekulazioa amaiarazteko.

Gasteizko eliza memoria leku izango da aurrerantzean, Martxoaren 3ko gertakarien harira. 1976an bost lagun hil eta ehunka zauritu zituzten han. Madrilek biktimak aitortu ditu.