Israelgo hauteskundeen emaitzak ditu hizpide Berriketan saioaren atal honek. Ez Benjamin Netanyahu lehen ministroaren blokeak ez oposizioko blokeak ere ez dute lortu gehiengo absoluturik, eta, beraz, alderdi arabiarrek izan dezakete Israelgo Gobernua osatzeko giltza. Beñat Mujika Telleria BERRIAko Mundua saileko kazetariak aztertu ditu Israelgo hauteskundeen emaitzak eta gobernua osatzeko aukerak.

Munduko Euskal Pilota Txapelketa du hizpide Berriketan saioaren atal honek. Argentinan eta Uruguain jokatu da, eta euskal selekzioak lehenbiziko aldiz jokatu du. Txapelketan parte hartzea bera garaipentzat jo zitekeen, baina, gainera, hamabi domina eskuratu ditu. Julen Etxeberria BERRIAko kiroletako kazetaria Argentinan izan da txapelketaren berri ematen, eta Euskal Herrira itzulita, han bizitakoak eta lortutakoak kontatu dizkigu.

Klima larrialdiaren erantzuleak eta ondorioak ditu hizpide Berriketan saioaren atal honek. Oxfam Intermon erakundearen txosten baten arabera, munduko %0,1 dirudunek, 3.500 milioi txiroenek adina kutsatzen dute. Bestalde, klima larrialdiaren ondorioak batez ere errenta ertaineko eta baxuko herrialdeetan pairatzen dituzte. Datu horiez eta aurtengo bero boladek Europan eragin dituzten hildako kopuru handiaz aritu gara Iñaut Matauko Rada BERRIAko ingurumen gaietako kazetariarekin.

Brasilgo hauteskundeetako emaitzak ditu hizpide Berriketan saioaren atal honek. Lula da Silva Langileen Alderdiko hautagaiak irabazi ditu, ezustean, botoen %52 eskuratuta. Lehenbiziko itzulian Flavio Bolsonaro ultraeskuindarrak bi puntuko aldea atera zion, baina Lulak emaitza irauli du igandeko bozetan. Itsasne Allende Sopelana EHUko Nazioarteko Harremanetako irakasleak hauteskundeen emaitzen analisia egin du.

Israelgo hauteskundeak ditu hizpide Berriketan saioaren atal honek. Inkesten arabera lehia estua izanen da, eta Benjamin Netanyahu lehen ministroak zaila izanen du gehiengo osoa lortzeko, baita oposizioko alderdiek ere. Beraz, badirudi gobernua osatzea zaila izanen dutela denek, alderdi arabiarrak kontuan hartzen ez badituzte. Nolanahi ere, ez dirudi hauteskundeen emaitzak palestinarren egoera hobetuko duenik. Julen Otaegi Leonet BERRIAko Mundua saileko kazetariak azaldu dizkigu hauteskundeen inguruko gakoak.

Atal hau Lara Madinabeitiak editatu du. Berriketan podcasteko doinuak Lumi taldeak egin ditu.

Elhadji Ndiayeren heriotza du hizpide Berriketan saioaren atal honek. Duela hamar urte bortizki atxilotu zuen Espainiako Poliziak semaforo batean geldituta zegoela, konorterik gabe eraman zuten polizia etxera eta handik hilik atera zen. Auzia artxibatu zuen epaileak eta, beraz, inoiz ez da argitu haren heriotza. Duela hamar urte gertatutakoaz eta horrek izan dituen ondorioez mintzatu zaigu Ion Orzaiz BERRIAko gizarte gaietako kazetaria.

Espainiako Gorteetarako hauteskundeak ditu hizpide Berriketan saioaren atal honek. Koalizioak osatzeko epea bukatuta, alderdi gehienek haien hautagaiak eta mezu nagusiak aurkeztu dituzte Hego Euskal Herrian. Azaroaren 29an izanen dira hauteskundeak, eta Iosu Alberdi BERRIAko Politika saileko koordinatzaileak alderdien egoera aztertu du gaurko atalean.

Europan piztu diren protestak ditu hizpide Berriketan saioaren atal honek. Lizeoko ikasleen protesta handien eta Frantziako Poliziaren oldarraldi bortitzen ondotik, protesta erraldoiak eta istilu larriak izan dira Frantzian. Bizimodu duin baten alde saldoan atera dira karriketara. Ez han bakarrik; antzeko suak Europa osoan pizten ari dira, protesta handiak egiten ari baitira Albanian, Italian, Belgikan, Portugalen eta Espainian. Gazteak karrikara atera dira, eta mobilizazio horiei buruz aritu zaizkigu Leire Casamajou Elkegarai eta Aitor Garmendia Etxeberria BERRIAko kazetariak.

Museoen deskolonizazioa du hizpide Berriketan saioaren atal honek. Europan eztabaida irekita dagoen arren, museo asko uzkur agertzen dira kolonialismoaren bidez eskuratutako obrak eta piezak itzultzerako orduan, baita haien obrak testuinguruan jartzeko tenorean ere. Beste maila batean bada ere, Euskal Herrian badago zer hausnartua museoak deskolonizatzeko prozesuari buruz. Xalbat Alzugarai Etxeberri BERRIAko kultur kazetariak eman dizkigu gaiaren inguruko azalpenak.

Nobel sarietako diskriminazioa du hizpide Berriketan saioaren atal honek. Aurten zientzietako sari guziak gizonei eman dizkiete, baina hau ez da salbuespena. 1901ean saria banatzen hasi zirenetik, 26 emakume zientzialarik baino ez dute jaso Nobel saria. Gizonen artean, gainera, gehien-gehienak iparralde globalekoak izaten dira. Diskriminazio horren inguruan aritu gara Ana Galarraga Aiestaran Elhuyarreko zientzia komunikatzaile eta BERRIAko kolaboratzailearekin. Horretaz gainera, zientziaren eremuan emakumeek bizi duten diskriminazioaz aritu zaigu Haize Oiartzabal Aizpuru BERRIAko zientzia gaietako kazetaria.