Onarpena ardatz duen legea, onetsita

  • 356 hitz
  • Albistea entzun

Onespenik gabeko ekintzak bortxaketa gisa hartuko dira, eta erreparazioa bermatuko zaie biktimei. Izan ere, Sexu Askatasuna Erabat Bermatzeko Lege Organikoa onartu du Espainiako Kongresuak, gehiengoz. CUP abstenitu egin zen, eta PPk eta Voxek aurka bozkatu zuten.

Sexu Askatasuna Erabat Bermatzeko Lege Organikoa edo Soilik baietz da baietz izenaz ezaguna den legeak Espainiako Kongresuaren galbahea igarocloseProzeduran aurrera egin. du. Azken-aurreko urratsa izan da, Senatuak berretsi eta indarrean jarri aurretik.

Zigor Kodean erreforma bat egitea planteatzen du, eduki aldaketa esanguratsuak egitea: aurrerantzean bortxaketatzat hartuko dira emakumeen onespenik gabeko ekintzak, abusuaren eta sexu erasoaren arteko bereizketa ezabatuta; hau da, onespena izango da bortxaketa egon den ala ez ebazteko baldintza, eta ez larderiacloseNorbait beldurtzeko jokabidea.
eta indarkeria.

Halaber, neurri sorta bat martxan jarriko da indarkeria sexuala jasan duten emakumeei prebentzioa, arreta eta erreparazioa emateko, besteak beste. Legeak baditu beste berrikuntza batzuk: eremu digitaleko indarkeria sexualak aintzat hartzen ditu, ezkontza behartuak, eta emakumeen genitalen mutilazioa ere bai.

Onespena izango da bortxaketa egon den ala ez ebazteko baldintza, eta ez larderia eta indarkeria.
Legearen gakoak

1. Onarpena. Zigor Kodea erreformatuko da aurrerantzean bortxaketatzat har dadin emakumeen onespenik gabeko ekintza oro.

2. Zigorrak. Sexu askatasunaren aurkako delituek urtebete eta lau urte arteko kartzela zigorra izango dute. Bortxaketei dagokienez, erasotzaileek lau eta hamabost urte arteko zigorrak izango dituzte. «Kaleko jazarpen» gisa hartutako erasoak delitu izango dira. Delitu egiletzat joko da kalean beste pertsona batzuei mintzatzen zaien oro baldin eta «adierazpen, portaera edo izaera sexualeko proposamenak eginez, biktimari objektiboki egoera umiliagarri eta larderiazkoa eraginez ari bada, beste delitu larriagorik egin gabe».

«Kaleko jazarpen» gisa hartutako erasoak delitu izango dira.

3. Adingabeak. Sexu erasoengatik zigortutako adingabeek sexu askatasunari eta berdintasunari buruzko hezkuntza programetara joan beharko dute. Halaber, seme-alaben guraso ahalacloseSeme-alabak adingabeak diren bitartean edo ezinduta daudenean legeak gurasoei seme-alaben gainean aitortzen dizkien eskubide eta betebeharren multzoa.   kenduko zaie adingabeei sexu erasoak egiten dizkieten gurasoei.

4. Publizitatea. Prostituzioa eta sexu indarkeria sustatzen dituzten iragarkiak debekatuko dira.

5. Laguntzak. Besteak beste, delitu sexualak jasan dituzten emakumeak artatzeko «krisi zentroak» sortuko dituzte, informazioa eta laguntza emateko.

Sanferminetako bortxaketa abiapuntu

Duela sei urteko sanferminetan izandako talde bortxaketa zela-eta Nafarroako Justizia Auzitegi Nagusiak ateratako sententziak eragin zuen legea aldatzeko premia. Bost gizonek emakume bat bortxatu zuten, eta auzitegiak ebatzi zuen «ezezko espliziturikcloseAgerikorik. adierazi ez zenez» ez zela erasorik izan, eta sexu abusutzat jo zuen talde bortxaketa. 2019an, Espainiako Auzitegi Gorenak zuzendu egin zuen Nafarroako Auzitegiaren epaia, eta sexu erasotzat jo zuen talde bortxaketa.

Jatorrizko artikuluak