Euskal Jaiak antolatzen hasi zirenetik 1990eko hamarkadara arte baserritar jantziak izan duen bilakaera ikertu du Ane Albisu Iriarte diseinatzaileak. Gipuzkoan eta emakumeen artean jantziak nolako transmisioa izan duen eta hamarkadetan zer gorabehera izan dituen jaso du Albisu Iriartek bere doktore tesian.

'Euskaldunon Egunkaria'-tik hasi eta BERRIAraino, makina bat urte egin ditu Irene Arrarats Lizeagak bi egunkariotako euskara arduradun gisa. Euskaltzain oso izendatu berri dute, eta euskarazko egunkari nazional biek akademiaren eredua testu idatzietara ekartzeko egindako bidea azpimarratu du.

Heldu den azaroaren 20an 50 urte beteko dira Francisco Franco Espainiako diktadorea hil zela. Errepublikaren aurka matxinatu, gerra irabazi, eta 40 urteko diktadura faxista bat ezarri zuen Hego Euskal Herrian. Horrek ondorio handiak izan zituen arlo askotan. BERRIAk 'Franco hil zen, eta...' bilduma hasi du, frankismoaren erradiografia bat egiteko.

Duela 50 urte fusilatu zituzten Juan Paredes Manot Txiki eta Angel Otaegi. Frankismoaren azken fusilatuak izan ziren. BERRIAk haien senideekin eta gertukoekin hitz egin du, eta, horrez gain, fusilatu zituzten lekuetara bidaiatu eta dokumental bat egin du garai ilun hartako pasarte nabarmenenetako baten kontakizuna osatzeko.

800 megawatteko zentral hidroelektriko bat egin nahi du Accionak Nafarroan, Alaitz mendian. Otao herriko lurretan, bi urtegi eraikiko lituzkete, eta goikotik behekora 640 metroko jauzia egongo litzateke. Zentrala eraikiko balitz, Nafarroan kontsumitzen den argindarraren %43 sortuko luke azpiegiturak, ahalmen betean arituko balitz.

Lurraren ikuspegia desitxuratuta erakusten dute munduko mapek; ekuatorearen inguruko lurraldeak errealitatean diren baino txikiago ageri dira. 'Correct the Map' egitasmoak herrialde guztiak proportzio berean erakutsi eta mapa eredua aldatzeko eskatu du.

Behin-behinean onartu duten plan batean, eolikoak hartzeko ahalmena handitu dute Araba, Bizkai eta Gipuzkoako 86.000 hektareatan. Halaber, atea zabalik utzi diote lurra bestela sailkatzeari ingurumen kalteberatasunari dagokionez.

Guggenheim Urdaibai proiektua bertan behera utzi du proiektua kudeatu duen patronatuak, eta erabaki hori «herriaren garaipen bat» izan dela sinetsita, ospatzeko ekitaldi bat iragarri du egitasmoaren aurkako herritar plataformak, otsailaren 7rako.

Adimen artifizialak kazetaritzan eta oro har informazioaren munduan ekar dezakeen egoera aztertu dute Bilbon mahai inguru batean, BERRIAk antolatuta. Dagoeneko desinformazio asko dagoen egoera bat areago nahas dezake adimen artifizialak. Haren arriskuez ez ezik, eman dakiokeen erabilera ere hartu dute aintzat.

Zuberoatik Bizkaira joango da 24. Korrika, Atharretzetik Bilbora zehazki. 'Euskara gara' leloa hartuta beteko ditu kaleak, zubiak eta tunelak... Aste honetan aurkeztu dute ekitaldia, Gasteizen, eta Errigorari omenaldia egiteko baliatuko dutela iragarri.