Eusko Jaurlaritzak 90 urte bete ditu urriaren 7an. Jose Antonio Agirre lehendakariaren legatua gogoratu dute: gobernu historiko bat osatu zuen, batasunaren gobernu bat garai ilun batean.

Ikastetxeak itxi, eta ehunka ikasle kalera atera dira Ipar Euskal Herrian. Urriaren 1ean abiatu zen ikasleen protesta, eta ordutik ez du etenik. Protesten helburua gobernuari presio egitea da; hezkuntzarako baliabide gehiago eskatzen dituzte, argudiatuta baldintzak gero eta okerragoak direla, eta irakasleak falta direla.

Euskal Herriko museoen bildumetan ez dago iragan kolonialeko pieza esanguratsurik, baina, espoliatutako obrarik egon ez arren, adituek diote diskurtsoak deskolonizatu behar direla.

Ordura arte uste zenaren aurka, unibertsoa hedatzen ari dela frogatu zuen Brian Schmidt astronomoak 1998an, azkar hedatzen ari dela frogatu ere. Hori dela-eta Fisikako Nobel saria eman zioten 2011n. Euskal Herrian izan da, Donostiako Passion For Knowledge jaialdian.

Dadoak, xakea, alkerkea, kartak: aspalditik erabiltzen dira jokorako. Erdi Aroan debekatu egin zituzten, baina jendeak muzin egiten zien debekuei, jokatzeko grina eta ohitura soziala gailentzen baitzitzaizkion goikoen aginduari.

Irati Zurbano historialaria eta irakaslea da, eta betidanik eman dio atentzioa sorginen munduak. Jakin-mina pizten dioten arloetako bat da, eta sorginak artean nola irudikatu dituzten ikertzen ari da orain.

Hego Euskal Herriko ikasleen emaitza kaskarrez ohartarazi dute PISA txostenean. Mundu zabaleko datuekin osatzen den txosten horrek Hego Euskal Herriko ikasleen eboluzioa ere aztertzen du, eta agerian utzi du ikasleek behera egin dutela alor guztietan: zientzietan, matematikan eta irakurketan.

Adimen artifizialaren azken urteotako tsunamiak galdera eta kezka sakona eragin du gizartean. Unibertsitateko bi irakaslek gogoeta egin dute horren inguruan, BERRIAk antolatutako Ahomentan saileko mahai inguru honetan. Adimen artifizialaren aurrean, gizatasunaren alde egin dute.

Hainbat ikastetxetan landu dute BERRIA Ikasgelako 'Komunikazioaren erronkak XXI. mendean' programa didaktikoa, eta pozik daude emaitzarekin. Hurrengo ikasturterako aurtengoaren prezio erdian eskuratu ahal izango da programaren edukia, BERRIAren eta Jaurlaritzaren arteko akordioari esker.

90 urte bete dira uda honetan altxamendu frankistatik. Hiru urte iraun zuen gerrak, baina diktadura frankistak 36 urte iraun zuen. Francisco Francoren diktadurapean errepresioa itzela izan zen.

Hamar urte bete dira Erresuma Batuak Europako Batasuna uztea erabaki zuenetik. 'Brexit'-ak kalte egin dio ekonomiari, eta herritarrek uste dute ideia txarra izan zela.

Hartza desagertzekotan egon da Pirinioetan, baina populazioak gora egin du azken urteotan, Esloveniatik ekarritako animaliei esker. 1996an askatu zituzten lehenengo biak, duela 30 urte.

'Bertsolaritzaren kontzeptualizazioa' da bost ataleko dokumentalaren lehen zatia. Hiru solaskide bildu dituzte atal horretan: Onintza Enbeita, Andoni Egaña eta Kepa Matxain. Bertsolaritzak iraganetik orainera egin duen bidea azaltzen saiatu dira bertan.

Aurten 30 urte bete dira 26 emakume soto batetik ezustean atera eta alardean parte hartzen saiatu zirenetik. Indarrez bota zituzten. Jaizkibel konpainiak omenaldia egin die.

Azpeitiko Izarraizpe ikastola publikoko eta Urretxu-Zumarraga ikastolako ikasleek jaso dituzte sariak. La Basu abeslaria izan da ekitaldian, eta ikasleek elkarrizketa egin diote zuzenean.